كيف يعمل
تسجيل من داخل التطبيق لقضية عمالية تجريبية: من أول ما يحكي صاحبها قصته، إلى تحليلها.
- 1
احكِ وش صار
بصوتك أو بالكتابة، بكلامك العادي. نسألك كم سؤال لين نفهم مين الطرف الثاني ووين وصلت القضية.
- 2
ارفع أوراقك إن وجدت
عقد، قرار، رسائل واتساب، صك حكم — صورة بالجوال تكفي. وإذا ما عندك شي، نحلّل على قصتك.
- 3
اقرأ التحليل
يجهز عادةً خلال 15 إلى 20 دقيقة. ما يلزم تنتظر في الصفحة؛ نرسل لك رسالة على واتساب أول ما يجهز.
معك من دراسة القضية إلى الحكم النهائي
ما نخليك لحالك بعد التحليل. تبدأ بدراسة قضيتك، وبعد تفعيلها يكون معك مختص قانوني تستشيره، وإذا احتجت محامي توكّله من خلال المنصة وتدفع له بالجلسة.
- أول قضية مجاناً
1. تعرف موقفك
توقّع النتيجة، وحججك وأسانيدها، ووش متوقع يقول خصمك، ووش الأوراق الناقصة.
- بعد تفعيل القضية
2. تستشير مختص قانوني
مختص قانوني تستشيره في قضيتك: يوضّح لك اللي صعب عليك، وتتأكد معه قبل أي قرار.
- إذا احتجت
3. توكّل محامي بالجلسة
توكّل محامي من خلال المنصة، وتدفع عن كل جلسة يحضرها، وملف قضيتك جاهز عنده.
عندك محامي؟ شاركه معه التحليل برابط للقراءة فقط برمز دخول، وتلغيه متى ما بغيت.
الأسعار
بدون اشتراك. تدفع للقضية اللي تحتاجها، مرة وحدة.
التقرير الكامل
450ريال للقضية
- قراءة التحليل بدون حد زمني
- اسأل عن قضيتك: ناقش التحليل واسأل عن أي نقطة
- كتابة المذكرات مربوطة بملفك
- تنزيل التقرير PDF أو Word
- النص الكامل للأحكام اللي اعتمد عليها التحليل
- إعادة التحليل إذا جتك مستندات جديدة
تدفع بعد ما تشوف تحليلك، إذا احتجت.
خصوصيتك أولاً
قضيتك تخصك، وما يشوفها غيرك.
أوراقك وتفاصيل قضيتك أمانة عندنا، وهذي التزاماتنا معك:
داخل المملكة
ملفاتك تُخزن وتُعالج على خوادم داخل السعودية.
مشفّرة بالكامل
أثناء النقل وأثناء التخزين، وكل حساب معزول عن غيره.
ما تُستخدم للتدريب
مستنداتك ما تدرّب أي نموذج ذكاء اصطناعي، وما نشاركها مع أحد.
أنت اللي تتحكم
ما يشوف قضيتك غيرك، وإذا شاركتها مع محامي يكون برابط برمز دخول تلغيه متى ما بغيت.
أسئلة
كم ياخذ التحليل؟
عادةً 15 إلى 20 دقيقة بعد ما تكمّل ملفك. تقدر تقفل الصفحة؛ نرسل لك رسالة على واتساب أول ما يجهز.
هل هو مجاني فعلاً؟
الدراسة المبدئية مجانية وبدون بطاقة. التقرير الكامل 450 ريال للقضية، دفعة واحدة.
على وش يعتمد التحليل؟
على وقائعك ومستنداتك، ويبحث في الأنظمة واللوائح السعودية وفي أكثر من 100 ألف حكم قضائي منشور. ويذكر لك المواد والأحكام اللي اعتمد عليها، عشان تتحقق منها بنفسك أو مع محاميك.
هل يغنيني عن المحامي؟
في بعض القضايا تقدر تتابع بنفسك عبر ناجز، وفي قضايا ثانية تحتاج محامي. التحليل يوضح لك وين تقف قبل ما تدفع أتعاب، وبعد تفعيل القضية تقدر تستشير مختص قانوني. ولو احتجت محامي، توكّله من خلال المنصة وتدفع له بالجلسة، أو تشارك التحليل مع محاميك برابط.
متى أقدر أستشير مختص قانوني؟
بعد تفعيل القضية. يكون معك مختص قانوني تستشيره في قضيتك، يوضّح لك اللي صعب عليك وتتأكد معه قبل أي قرار.
كيف أوكّل محامي، وكيف أدفع له؟
تطلب محامي من خلال المنصة، وتدفع له بالجلسة، يعني عن كل جلسة يحضرها. وأتعاب المحامي منفصلة عن تفعيل القضية.
مين يقدر يشوف قضيتي؟
أنت فقط. ما نشارك قضيتك مع أحد، ولا نستخدم مستنداتك لتدريب أي نموذج. إذا بغيت تشاركها مع محامٍ، تسوي رابط برمز دخول وتقدر تلغيه متى ما بغيت.